Valdatafl Errós í sögulegu samhengi kl. 20:00

Erró

Stefán Pálsson Listasafn Reykjavíkur

Stefán Pálsson sagnfræðingur og sérlegur áhugamaður um teiknimyndasögur verður með samtal á sögulegum nótum innblásið af verkum Errós á sýningunni Valdatafl. Þar hefur Erró skrásett helstu róstur í heiminum á síðari hluta 20. aldar sem í sumum tilvikum sér enn ekki fyrir endann á. Stríðsherrar og harðstjórar birtast í verkum listamannsins með skrumskælingu, háði og skopstælingu en hörmungarnar sem þeim fylgja eru aldrei langt undan.

Stefán leiðir gesti í gegnum sýninguna og tengir verkin við sögulega atburði 20. aldar og í samtímanum.

Stefán Pálsson er sagnfræðingur með ansi vítt áhugasvið. Hann hefur skrifað bækur um allt frá fótbolta, bjór, tækni og vísindi, bókstafinn ð og allt þar á milli, hefur samið efni fyrir sjónvarp og útvarp og stýrt ótal spurningakeppnum, auk þess að vera eftirsóttur leiðsögumaður í sögugöngum víðsvegar í borgarlandinu. Stefán er jafnframt varaborgarfulltrúi Vinstri grænna í Reykjavík.

Listamaður: Erró

Dagsetning:

25.01.2024

Staðsetning:

Listasafn Reykjavíkur – Hafnarhús

Tryggvagata 17, 101 Reykjavík, Iceland

Merki:

MiðborginViðburðurFimmtudagurinn langiHjólastólaaðgengi

Opnunartímar:

Opið alla daga: 10:00 – 17:00

Fimmtudagar opið til kl. 22:00

Fylgið okkur á Facebook og Instagram

Dozie, Precious
Perpetual Motion
Um okkur