Það er gaman og gefandi að skoða myndlist og þetta sumarið er af nógu að taka um allt land. 

Fyrir haustúthlutun myndlistarsjóðs 2025 býður Myndlistarmiðstöð upp á ráðgjöf fyrir umsækjendur með nokkrum leiðum. 

Myndlistarsjóður hefur opnað fyrir umsóknir fyrir haustúthlutun árið 2025. Umsóknarfrestur er til kl. 16 mánudaginn 18. ágúst. 

Gestavinnustofan TOKAS í Japan auglýsir eftir umsóknum.

Heimsókn í vinnustofu Tristan Elísabetar Birtu:

Önnur vinnustofuheimsókn okkar var til Tristan Elísabetar Birtu í Laugardalnum. Tristan er 33 ára myndlistar- og gjörningalistamaður sem býr einnig til tónlist undir nafninu AfterpartyAngel. Þó svo að listsköpun hennar fjalli um margslungin og flókin málefni líkt og sjálfsmynd, kynvitund og kvenleika, er hún sveipuð leikgleði og ævintýrabrag. Við spjölluðum um lífið og listina við Tristan.

Borderlands Poetics: Rewilding Tongues auglýsir lausa til umsóknar stöðu starfsnema við Sequences myndlistarhátíðina, sem fer fram í október 2025.

Logi Einarsson, menningarráðherra afhenti myndlistarfólki styrki úr  við hátíðlega athöfn þann 10. apríl 2025. Alls var 38 milljónum króna úthlutað til 61 verkefnis.

Myndlistarmiðstöð auglýsir til umsóknar þriggja mánaða vinnustofudvöl við International Studio & Curatorial Program í New York. Dvölin stendur frá júní – ágúst 2026.

Boðið er upp á rúmgóða einkavinnustofu sem listamaður hefur aðgang að allan sólarhringinn. Stofnunin skipuleggur reglulegar vinnustofuheimsóknir til gestalistamanna frá sýningarstjórum og fagfólki, heimsóknir á söfn, gallerí og sýningarstaði og fyrirlestra. 

Dvölin hjá ISCP býður upp á öflugt alþjóðlegt tengslanet, hvort sem um er að ræða alþjóðlega listamenn og sýningarstjóra, safnafólk, blaðamenn eða aðra sem sem starfa innan geirans. 

Styrkurinn er fyrir vinnustofudvölinni, en ekki framfærslukostnaði. Styrkurinn er fjármagnaður af Myndlistarráði.

Forval umsókna er í höndum Myndlistarráðs, en lokaval er í höndum fagnefndar ISCP. Umsóknarfrestur rennur út 19. maí 2025. Sækja má um 

Vinsamlega sendið eftirfarandi gögn með umsókninni:

- Ferilskrá, hámark 5 síður

- 10 ljósmyndir af verkum eða hlekkir á myndbönd. Taka skal fram titil, ártal, miðil og stærð eða lengd hvers verks. Auk þess má vera stuttur texti með lýsingu á verki.

- Ef við á má senda afrit af greinum eða gagnrýni, hámark 10 síður

- Ef við á má senda 2-3 afrit af sýningarskrám eða útgefnu efni

- Meðmælabréf

Auglýst verður aftur eftir umsóknum í mars 2026 fyrir árið 2027. 

Steinunn Önnudóttir myndlistarmaður hefur dvalið í vinnustofunni Künstlerhaus Bethanien í Berlín síðastliðið ár. Nú er komið að lokum dvalarinnar og þar með einkasýningu hennar sem ber heitið Green Growth. Sýningin stendur frá 10. apríl til 15. júní.

Myndlistartvíæringurinn Sequences auglýsir eftir sýningarstjóra eða teymi, til að leiða þrettándu hátíðina sem fer fram í október 2027.