Í fyrsta skipti veitti myndlistarráð Heiðursviðurkenningu ásamt viðurkenningu fyrir útgefið efni sem talið er hafa mikilvægt gildi fyrir kynningu og rannsóknir á íslenskri myndlist.
Kristín Jónsdóttir frá Munkaþverá hlaut Heiðursviðurkenningu fyrir framlag sitt til íslenskrar myndlistar.
![Íslensku myndlistarverðlaunin 2021 - Kristín Jónsdóttir - Landid hvita](/_next/image?url=https%3A%2F%2Fmyndlistarmidstod.payload.is%2Fmedia%2Fislensku-myndlistarverdlaunin-2021-kristin-jonsdottir-landid-hvita-2000x1333.jpg&w=2048&q=80)
Kristín Jónsdóttir frá Munkaþverá, Landið hvíta, 1962, sáldþrykk á hör. Birt með leyfi listamannsins og i8 Gallery.
Viðurkenning fyrir útgáfu hlaut Listasafn Reykjavíkur
Þá fékk Listasafns Reykjavíkur viðurkenningu fyrir útgáfu sem fylgir yfirlitssýningum á Kjarvalsstöðum á verkum myndlistarmanna á miðjum ferli.
![Viðurkenning á útgefnu efni 2021: Ritröð Listasafns Reykjavíkur](/_next/image?url=https%3A%2F%2Fmyndlistarmidstod.payload.is%2Fmedia%2Fvidurkenning-a-utgefnu-efni-2021-ritrod-listasafns-reykjavikur-2000x1313.jpg&w=2048&q=80)
Þegar hafa verið haldnar fjórar yfirlitssýningar í þessari sýningaröð og hefur hverri sýningu fylgt bók sem jafnframt er sýningarskár. Metnaður er lagður í útgáfuna, sem er bæði á íslensku og ensku. Í hverri bók er að finna myndir af verkum listamannsins ásamt vönduðum greinum fræðafólks og listamannsins sjálfs – sem dýpkar skilning á höfundaverki listamannsins.
Myndlistarráð 2019-2022 er skipað
- Helgi Þorgils Friðjónsson, formaður, skipaður án tilnefningar af Mennta- og menningarmálaráðherra.
- Dagný Heiðdal, varaformaður, tilnefnd af Listasafni Íslands.
- Hannes Sigurðsson, tilnefndur af Listfræðafélagi Íslands.
- Guðrún Erla Geirsdóttir, tilnefnd af Sambandi íslenskra myndlistarmanna
- Hlynur Helgason, tilnefndur af Sambandi íslenskra myndlistarmanna