Járn, hör, kol og kalk
Þóra Sigurðardóttir
![](/_next/image?url=https%3A%2F%2Fmyndlistarmidstod.payload.is%2Fmedia%2Fthis-exhibition-brings-together-recent-drawings-prints-paintings-and-assemblages-that-follow-on-artist-thora-sigurdardottir's-decades-long-preoccupation-with-the-grid-as-an-elemental-structure-against-which-drawings-and-objects-are-placed-creating-tension-2000x1803.png&w=2048&q=80)
Í miðpunkti innsetningarinnar eru nokkrir járnskúlptúrar með hillum og sýningarkössum sem innihalda bæði fundna og manngerða hluti. Þetta safn jarðneskra hluta hefur margslungið yfirborð sem kallar á snertingu; þarna eru uppþornaðar leifar eftir matargerð og lífræn efni á borð við plöntuleifar, pappír, bein og dún, en einnig postulín, járn, kopar og steinn. Í þessu persónulega safni sést hvaða áhrif umbreyting hversdagslegra hluta hefur á næmi listakonunnar og hvernig hún bregst við þeim í listsköpun sinni.
Listamaður: Þóra Sigurðardóttir