Púls

Hólmfríður Sunna Guðmundsdóttir

Hólmfríður Sunna Guðmundsdóttir listval

Á sýningunni Púls tekst Hólmfríður Sunna á við síkvikt eðli og óróleika náttúrunnar, þar sem allt springur út og að lokum dofnar. Ryþmískar og léttar pensilstrokur endurspegla reglubundið flæði og púls sköpunarverksins. Rík efniskennd og áferð eru áberandi en þau gefa óljósa tilfinningu hvort um sé að ræða hold, landslag, örheim eða kynjaverur. Olía og viðkvæm efni eins og kol og þurrpastel flæða saman en það er mikilvægur partur af sköpunarferlinu að efnin vinni sjálfstætt og renni saman á óvæntan hátt. Ef vel er að gáð má sjá glitta í fínlega teikningu eða kol undir málningunni og í gagnsæinu verður áhorfandinn var við endurtekin og iðandi mynstur sem liggja undir niðri. Mjúkir litir og lífræn form lokka áhorfandann inn í óræðan ævintýraheim þar sem átök brjótast upp á yfirborðið.

Hólmfríður Sunna Guðmundsdóttir (f. 1988) er myndlistarmaður búsett í Reykjavík. Hún lauk BA- gráðu í heimspeki árið 2015 frá Háskóla Íslands og tveggja ára diplóma námi í listmálun við Myndlistarskóla Reykjavíkur vorið 2024. Sýninigin Púls er fyrsta einkasýning Hólmfríðar Sunnu.

Listamaður: Hólmfríður Sunna Guðmundsdóttir

Dagsetning:

25.05.2024 – 08.06.2024

Staðsetning:

Listval

Hverfisgata 4, 101 Reykjavík, Iceland

Merki:

MiðborginSýning

Opnunartímar:

MánudagurLokað
ÞriðjudagurLokað
Miðvikudagur13:00 - 17:00
Fimmtudagur13:00 - 17:00
Föstudagur13:00 - 17:00
Laugardagur13:00 - 16:00
SunnudagurLokað

Fylgið okkur á Facebook og Instagram

Dozie, Precious
Perpetual Motion
Um okkur