Verkefnið "Úr fullkomnu samhengi" sem varð til úr samstarfi milli sýningarrýmisins

Dazibao í Montreal og Verksmiðjunnar á Hjalteyri, leikur að greinilegum

ósamrýmanleika sem leyfir sér ákveðið sundurleysi til að kanna nýjar leiðir til

samstarfs og sýningargerðar. Verkefnið byggir á tengslum okkar við náttúruna og

hlutverk hennar í menningunni en það er eins og skipulag eða drög að fundi milli

borgar og óbyggðra víðerna ; myndgerða sem byggja á raunveruleikanum og öðrum

aðferðum sem mótast alfarið í stafrænu formi. Einnig á krossgötum, jafnvel árekstri,

milli viðkvæmrar náttúru í hættu og upphafinnar náttúru. Samstarfið gefur af sér tvær

sýningar, eina í Dazibao, með verkum eftir Gústav Geir Bollason og Þorbjörgu

Jónsdóttur og aðra í Verksmiðjunni, með verkum Julie Tremble og tvíeykisins

Philippe-Aubert Gauthier og Tanya St-Pierre.

Með því að líta stundum inn, utan frá og stundum út, innan frá, undirstrikar sýningi

“Out of Perfect Context” hvernig staðir og manngert umhverfi hafa áhrif á skynjun

okkar og með hvaða hætti við erum hluti af lífheiminum - eða ekki.

Á þessari sýningu í Verksmiðjunni, með verkum þeirra Julie Tremble og tvíeykisins

Philippe-Aubert Gauthier og Tanya St-Pierre, mun umhverfi kvikmyndalegs

raunsæis, skapað úr safni mynda sem eru að öllu leyti stafrænt framleiddar eða

meðhöndlaðar, vísvitandi mynda núning við íslenskt dreifbýlislandslag og

tilkomumiklar byggingar staðarins. Í óreiðukenndu samtali milli veruleika og

stafrænnar fantasíu stilla ofur-raunsæislegar myndir Julie Tremble saman stórkostlegu

útsýni sem er rammað inn af opum á byggingunni, á meðan vandlega útfærð

heimilisrými Gauthier og St-Pierre reyna að greypa sig inn í iðnaðarsögu og laga sig

að hrjúfleika sama staðar. Í þessu gagnkvæma samspili áhrifa setur gljúpleiki mynda,

staða og efniskennd þess sem við sjáum augntillitið á eins konar lóðréttan ás tíma þar

sem uppsöfnun skammtíma áhrifa verkar á skynjun okkar á heiminum og

framsetningum hans. Slík skynjun er einnig mótuð og stundum brengluð af

eftirtektarverðri nærveru hljóðs.

Listamenn: Julie Tremble, Philippe-Aubert Gauthier og Tanya Saint-Pierre 

Sýningarstjóri: France Choinière