Elín Elísabet

Formóður minni féll ekki verk úr hendi

mínar nálar eru tilbúnar í ótal sporum 

Elín Elísabet Einarsdóttir er myndlistarmaður og teiknari sem fæst þessa dagana helst við olíumálverk utandyra. Verkin á þessari sýningu eru annars vegar máluð á Syðra Lóni á Langanesi og hins vegar í Kollsvík í Rauðasandshreppi á Vestfjörðum. Elín er ættuð frá báðum stöðunum en amma hennar var Herdís Guðmundsdóttir frá Syðra-Lóni, dóttir Herborgar Friðriksdóttur og Guðmundar. 

Sýning

Verk úr hendi 

Sauðanes á Langanesi er fornfrægur kirkjustaður sem staðsettur er 7 km norðan við Þórshöfn. Prestsbústaðurinn á Sauðanesi, Sauðaneshús, er elsta steinhús í Þingeyjarsýslum, hlaðið úr grágrýti árið 1879, afar sjaldgæf bygging og er einstakt á landsvísu. Í kringum 1957 fór Sauðaneshús í eyði og stóð það kalt og yfirgefið í nærri 40 ár. Um 1990 var ákveðið að endurreisa húsið, sem þá var að hruni komið, og var reist nánast frá grunni, stein fyrir stein og fjöl fyrir fjöl, en endurbyggingin tók um 11 ár. Fallega endurbyggða húsið hýsir nú sýninguna “Að sækja björg í björg” sem unnin var á árunum 202-21. Þar er hægt að fræðast um lífið á Langanesi á þeim tíma sem búið var í Sauðaneshúsi og hvernig prestsbústaðurinn var í raun miðpunktur samfélagsins á svæðinu.