Hvernig skömmtum við orku yfir hvern dag? Yfir hverja ævi?

Hvaða mynd tekur þín orka? Finnurðu fyrir henni í brjósti þér? Í maganum? Kemur hún út þegar þú andar?
Skeiðar geta verið ákveðin birtingarmynd orku.

Þær geta innihaldið eitthvað sem við gætum innbyrt og er notuð sem táknmynd orku í daglegum athöfnum (e. Spoon theory). Skeiðar eru mælieining á fleiri en einn hátt. Þær geta líka táknað stað og stund, tímaskeið getur spannað annað hvort eilífðina eða eina mannsævi.

Með þessum verkum vil ég nálgast eilífðina í hversdagsleikanum, að nota skeiðina sem tól til að
fanga orku sem er bæði nálægt en fjarri okkur.

Heimir Snær er starfandi myndlistarmaður með BA Hons í myndlist frá University of Cumbria og Mastersgráðu í myndlist frá Listaháskóla Íslands. Heimir hóf nám sitt í málaradeild MÍR árið 2021 og hefur áður unnið í leikmyndadeild fyrir sjónvarp og kvikmyndir.

Áhersla Heimis þessa stundina eru listaverk sem tengjast sólargangi, skugganum og orkunni sem býr þar að innan. Á sýningunni verða sýnd verk sem miðla hugmyndum um tengingu undirmeðvitundar og umhverfisins, gegnum þessi náttúrulegu fyrirbrygði.

Sýningaropnun verður fimmtudaginn 12. júní frá 18:00-20:00 og allir velkomnir!

Aðrir opnunartímar:
Föstudagur       13. júní   13:00 - 18:00
Laugardagur     14. júní   13:00 - 15:00
Sunnudagur      15. júní   14:00 - 17:00
Þriðjudagur        17.júní    13:00 - 17:00

Viðburðurinn er styrktur af Menningar og ferðamálanefnd
Hafnarfjarðarbæjar.