SÍM Residency, í samstarfi við Finnska menningarsjóðinn, kynnir bread summer: pop-up sýningu í SÍM salnum eftir Bognu Luizu Wiśniewsku, gestalistamann. Í tilefni af opnun sýningarinnar, föstudaginn 27. September kl. 18, er gestum boðið til borðs að gæða sér á ætum skúlptúrum. Sýningin stendur einungis út þessa helgi, til 29. september.

bread summer, fjallar um hina hljóðlátu fegurð tengsla—milli jarðvegs og brauðs, vina og augnablika, leirs og snertingar. Sýningin er afrakstur tíma varið í íslensku landslagi og endurspeglar hæglátt en ákveðið ferli: brauð bakað við jarðhita, mótað af þolinmæði og umhyggju og deilt í góðum félagsskap.

Bogna Luiza Wiśniewska (f.1988, Póllandi) er mjúkhjörtuð manneskja sem býr og starfar í Helsinki. Hún viðheldur listiðkun sem hlúir að notalegheitum og góðum félagsskap og að leiða fólk saman með málun, keramik, textíl, sýningargerð, innsetningu, eldamennsku, garðyrkju og gestrisni. Verk hennar kjarnast í umhyggju, góðvild, viðkvæmni, hinseginleika og að kanna þessa þætti með ýmsum miðlum.