Sjávarblámi

Bryndís Snæbjörnsdóttir & Mark Wilson

Ska-sjavarblami-2024

Hvaða hvalir koma til íslands á sumrin?

Hvernig birtist virðing mannsins fyrir hvalnum í sögu og samtíma?

Slíkar spurningar hafa lengi heillað listamennina Bryndísi Snæbjörnsdóttur og Mark Wilson en í verkum sínum rannsaka þau fjölþætt samskipti manna og annarra dýra. Í þessu nýja verkefni, á sýningunni Sjávarblámi, rekja þau ferðir einstakra hvala við Íslandsstrendur. Þau sigldu á haf út með vísindafólki sem kannar göngur og hljóðsvið hvala og kynntu sér hvernig síbreytileg umhverfisjónarmið byggja ætíð á gildismati mannsins. Þau rifja upp heimildir um hvalreka á Íslandi og erlendis og skoða söguleg ummerki hvalveiða í Seyðisfirði en hvalveiðistöðin á Vestdalseyri er talin ein fyrsta vélvædda hvalveiðistöð heims og upphaf iðnaðarhvalveiða á Íslandi. Eins og oft áður þá beina Bryndís og Mark sjónum að líkamleika og návist dýra í veröld sem manneskjan þarf að deila með öðrum lífverum. Með því að horfa á ummerki hvalsins með rannsóknaraðferðum myndlistar vekja þau áhorfendur til máls um tilverurétt hvala við Íslandsstrendur út frá fagurfræðilegum og siðferðilegum sjónarmiðum.

Listamaður: Bryndís Snæbjörnsdóttir & Mark Wilson

Sýningarstjóri: Æsa Sigurjónsdóttir

Dagsetning:

21.06.2024 – 27.09.2024

Staðsetning:

Skaftfell

Austurvegur 42, 710 Seyðisfjörður, Iceland

Merki:

AusturlandSýning

Opnunartímar:

MánudagurLokað
Þriðjudagur11:00 - 16:00
Miðvikudagur11:00 - 16:00
Fimmtudagur11:00 - 16:00
Föstudagur11:00 - 16:00
Laugardagur11:00 - 16:00
SunnudagurLokað

Fylgið okkur á Facebook og Instagram

Dozie, Precious
Perpetual Motion
Um okkur