Á sýningunni eru ný verk eftir Relational, samvinnuheiti þeirra Shirley Tse og Dana Berman Duff. Saman kanna þær tengslin milli sjávarfalla og öndunar, ljóðræna orku náttúrunnar og þá krafta sem sameina og móta heim okkar.

Á sýningunni eru skúlptúrar, ljósmyndir og vídeóverk. Í tengslum við sýninguna sömdu Alan Duff Berman og Dana Berman Duff kórverk sérstaklega fyrir rými Kling & Bang. Auk þess unnu þær Shirley og Dana með tilraunatónskáldinu Douglas Farrand, sem samdi hljóðverk út frá sjávarföllum Reykjavíkur – verk sem breytist dag frá degi í takt við flóð og fjöru. Í tilefni sýningarinnar verður gefin út vegleg sýningarskrá þar sem samtöl og vinna listamannanna í aðdraganda sýningarinnar kemur fram í mynd og texta.