Mér finnst ég eiginlega ekki hafa gert neitt á síðustu önn í skólanum (lhí) en það gerðist samt svo ótal margt.

Ég byrjaði í gjörningakúrs sem mig langaði alls ekki að fara í en það var bara ekkert annað í boði. Þar steig ég á ,,svið” og gerði hluti sem ég hefði að öðrum kosti aldrei gert.

Smátt og smátt opnuðust nýjar dyr fyrir mér sem ég hélt að væru bara lokaðar fyrir manneskju eins og mig en sennilega hafði rétti tíminn, rétta umgjörðin og eða rétta fólkið aldrei verið til staðar. Þar til nú.

Sýn mín á lífið og framtíðina skekktist og stefnir nú í aðra átt og mamma hefur aldrei verið eins stolt af mér.

Út af áskorunum síðasta skólaárs neyddist ég til að líta inn á við. Ég er einhverf og það getur verið rosalega hamlandi en einhverfan mín er líka minn mesti og besti styrkleiki.

Verkin á þessari sýningu eru afrakstur rannsóknarvinnu sjálfs míns og einhverfu minnar á síðasta skólaári í myndlist í Listaháskóla Íslands.

Sýningaropnun verður fimmtudaginn 5. júní frá 18:00-20:00 og allir velkomnir!

Aðrir opnunartímar:
Föstudagur       6. júní   13:00 - 18:00
Laugardagur     7. júní   12:00 - 16:00
Sunnudagur      8. júní   14:00 - 17:00

Viðburðurinn er styrktur af Menningar og ferðamálanefnd
Hafnarfjarðarbæjar.